លោក អ៊ុង បូច ពលរដ្ឋរស់នៅភូមិបាឡាត់ បានប្រាប់ថា៖លោកពេញចិត្តច្រើនទៅលើអ្វីដែលជាការដោះស្រាយរបស់អាជ្ញាធរ ដូចការជួលជុលផ្លូវសំរាប់ពលរដ្ឋងាយស្រួលធ្វើដំណើរ និងការរៀបចំកិច្ចការងារនៅសាឃុំក៏បានល្អច្រើនផងដែរ ។ តែចំពោះបញ្ហាប្រឡាយទឹករៀងយឺតយ៉ាងបន្តិច ។លោកបន្ថែមថា៖ ការផ្តល់សេវាសាធារណៈនៅសាលាឃុំក៏ល្អប្រសើរមិនមានការយកតម្រៃ ឬទុកចោលយូនោះទេ ។
ស្រដៀងគ្នានេះដែរ អ្នកស្រី ចន្នី រស់នៅភូមិបាឡាត់ដែរនោះបានលើកឡើងថា៖ ចំពោះការដោះស្រាយរបស់អាជ្ញាធរគឺគាត់ដោះស្រាយទៅតាមលទ្ធភាពដែរព្រោះឃុំមានមូលនិធិសំរាប់អភិវឌ្ឍឃុំបើកញ្ចប់ចប់ត្រឹមណាគឺត្រឹមនឹងហើយ បើយើងសុំទៀតក៏មិនដឹងដោះស្រាយយ៉ាងណាដែរ ។
លោក ជុំ គឹមសេង មេឃុំនរាបានប្រាប់អោយដឹងថា៖ អ្វីដែលពលរដ្ឋសុទ្ធសឹងជាការពិត ដែលឃុំបានធ្វើការដោះស្រាយអ្វីជាតម្រូវការរបស់ពួកគាត់ ។ ក្នុងឆ្នាំ២០១៨កន្លងទៅឃុំបានតប្រព័ន្ធទឹកស្អាតប្រើប្រាស់ បានមួយចំនួនធំ ការតភ្លើងអគ្គីសនី ជួសជុលផ្លូវដែលខូចខាតក្នុងឃុំ ហើយអ្វីដែលយើងធ្វើប្រជាចាំគឺប្រជុំជីវភាព ដើម្បីប្រមូលបញ្ហាពីគ្រប់មជ្ឈដ្ឋាន ទាំងបញ្ហាសាសនា អប់រំ សេដ្ឋកិច្ច សង្គមកិច្ច យេនឌ័រ និងបញ្ហាផ្សេងៗដើម្បីយកមករកដំណោះស្រាយ ។ លោកបន្តថា៖ សំរាប់ឆ្នាំ២០១៩យើងមានគម្រោងក្នុងការ ស្តារប្រឡាយទឹក២ខ្សែរ និងផ្លូវចំនួន៣១៣ម៉ែត្រ ។
គេសង្កេតឃើញថា មកដល់ថ្ងៃនេះ ពលរដ្ឋមកចាក់វ៉ាក់សាំងបង្ការជំងឺឆ្កែឆ្កួត ដែលពួកគាត់ត្រូវ ឆ្កែ និងឆ្មាខាំ ហាក់មិនសូវ មានការកក់ស្ទះ ដូចកាលពីអំឡុងខែកុម្ភៈនោះឡើយ ។ ការនាំគ្នាសម្រុក មកចាក់វ៉ាក់សាំង បែបនេះ បន្ទាប់ពីមានករណី ជនរងគ្រោះដែលគេអះអាងស្លាប់ ដោយសារជំងឺនេះ តាមរយៈសង្គមហ្វេសប៊ូក ។ ពលរដ្ឋអ្នកទៅចាក់ វ៉ាក់សាំងជំងឺឆ្កែឆ្កួត បានសង្កេតឃើញថា មួយរយៈពេលចុងក្រោយនេះ គឺហាក់មានភាពស្បើយ មិនសូវកក់ស្ទះឡើយ ។
បើតាមមន្ត្រីនៅមជ្ឍមបណ្ឌលបង្ការជំងឺឆ្កែឆ្កួត ដែលបានផ្តល់សារអប់រំ ដល់អ្នកមក ចាក់វ៉ាក់សាំង កំពុងច្រើនកុះករ កាលពីចុងខែកុម្ភ បង្ហាញថា សូមកុំអោយបងប្អូនបារម្ភខ្លាំងពេក ចំពោះជំងឺនេះ ព្រោះជំងឺនេះមិនមែនទើបតែកើតឡើងបច្ចុប្បន្ននេះទេ ។ លើសពីនេះ មន្ត្រីរូបនោះ ក៏បានបញ្ជាក់ថា សត្វដែលមាន មេរោគឆ្កែឆ្កួត គឺមិនអាចរស់បាន លើស ៧ថ្ងៃនោះទេ ។
លោក អ៊ុក វិទ្យា អនុប្រធានមន្ទីសុខាភិបាលខេត្តបាត់ដំបង បានប្រាប់ក្នុងកម្មវិធីសន្ទនាមតិថា រហូតមកដល់ពេលនេះ អ្នកមកទទួលចាក់វ៉ាក់សាំង ដោយសារឆ្កែឆ្មាខាំ មានការថមថយ មិនកក់ស្ទះទៀតឡើយ ។លើសពីនេះ លោកថា មន្ទីរបានយកចិត្តទុកដាក់ ដោយបន្ថែមមន្ត្រី ដល់មជ្ឍមណ្ឌល បង្ការជំងឺឆ្កែឆ្កួត ដើម្បីភាពងាយស្រួល នៅពេលពលរដ្ឋមកចាក់វ៉ាក់សាំង ។
ចំណែក លោក វិន ឈៀប អនុប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម ជម្រុញអោយ ពលរដ្ឋចឹញ្ចឹមសត្វ ឆ្កែ ឬឆ្មា ត្រូវចាក់វ៉ាក់សាំងការពារ លើសត្វរបស់ខ្លួន ។ ចំណែកសេវានេះ ពលរដ្ឋអាចរកពេទ្យសត្វតាមភូមិឃុំ ដើម្បីបង្ការកុំអោយសត្វចឹញ្ចឹម មានជំងឺឆ្កែឆ្កួត ។
សូមបញ្ជាក់ថា បើតាមសារអប់រំ របស់មន្ទីរសុខាភិបាល ទាក់ទងជំងឺឆ្កែឆ្កួត ដើម្បីការពារកុំ អោយឆ្កែឆ្មាខាំ កុំចាក់ឬធ្វើអោយវាខឹង , កុំដើរជាន់កន្ទុយ ក្បាលខ្លួន ជើងរបស់វា, កុំព្យាយាមបំបែកសត្វខាំគ្នា, កុំព្យាយាម យក ចានអាហារវាកំពុងស៊ី ,កុំចូលជិតឆ្កែ មិនស្គាល់ ដែលគ្មានម្ចាស់ជាដើម ។ប៉ុន្តែប្រសិនបើត្រូវសត្វខាំ បងប្អូនត្រូវ លាងមុខបួសអោយបានស្អាត ជាមួយទឹកនិងសាប៊ូ រយៈពេល១៥នាទី , មិនត្រូវលាបមុខរបួសជាមួយម្សៅ ម្ទេស រុក្ខជាតិ កុំបិតរបួស ជាមួយក្រណាត់ ឬ បង់រុំ កុំដេរភ្ជិតមុខ របួស ។ មួយវិញទៀតត្រូវ ចំណាំសត្វដែលខាំ ដើម្បីប្រញាប់ទៅរក ម្ចាស់ បង្ខាំងសត្វទុករយៈពេល ១០ថ្ងៃ និងសួរពីប្រវត្តិសត្វ ពីការចាក់វ៉ាក់សាំងការពារជំងឺឆ្កែឆ្កួត ។ ម្យ៉ាងទៀតត្រូវប្រញ៉ាប់ ទៅជួបគ្រូទេពញយ ដើម្បីទទួលវ៉ាក់សាំងការពារជាបន្ទាន់ ។
អង្គភាពបេឡាជាតិរបបសន្តិសុខសង្គម ដែលយើងហៅកាត់ថា ប ស ស គឺជាគ្រឹះស្ថានសាធារណៈរបស់រដ្ឋឋិតនៅក្រោមអាណាព្យាបាលរបស់ក្រសួងការងារគឺអាណាព្យាបាលបច្ចេកទេស និងឋិតនៅក្រោមអាណាព្យាបាលហិរញ្ញវត្ថុគឺនៅក្រោមក្រសួងសេដ្ឋកិច្ចនិងហិរញ្ញវត្ថុ។ បេឡាជាតិរបបសន្តិសុខសង្គមត្រូវបានរាជរដ្ឋាភិបាលបង្កើតឡើងក្នុងគោលបំណងដើម្បីជួយដល់កម្មករ និយោជិតគ្រប់ៗគ្នា។បេឡាជាតិរបបសន្តិសុខសង្គមមានបេសកកម្មពិសេសគឺផ្ដល់នូវការធានារ៉ាប់រងគ្រោះថ្នាក់លើការងារ ផ្ដល់របបថែទាំសុខភាពដល់និយោជិតកម្មករ និងរបបប្រាក់សោធននៅពេលចូលនិវត្តន៍ជាដើម។
លោក អ៊ិន វ៉ាណូរិន ជាអនុប្រធានមន្ទីរផែនការខេត្តបាត់ដំបងបានលើកឡើងថា លោកទើបតែទទួលបានកាតបសសរយៈពេល២ខែមកហើយ កាលពីមុនពេលដែលមិនទាន់មានកាតបសសមន្ត្រីរាជការពេលមានជម្ងឺគឺសុំលុយគោលការណ៍ជម្ងឺក្នុងអង្គភាពនីមួយៗតែការធ្វើបែបនេះត្រូវប្រើពេលយូរ លោកបានបន្ថែមថាឥលូវនេះពេលមានកាតបសសគឺបង្ករលក្ខណៈងាយស្រួលពេលមានជម្ងឺភ្លាមយើងអាចចូលពេទ្យបានភ្លាមៗដោយមិនអស់ថវិកានោះទេ។
ជាគ្រូបង្រៀនមួយរូបទៀតលោកគ្រូរ៉ាន់ចាន់រិទ្ធបានលើកឡើងថា លោកក៏ទទួលបានកាតបសសនេះដែរពេលចូលពេទ្យមិនអស់លុយព្រោះរដ្ឋជួយចេញថ្លៃចំណាយ ។
ស្រដៀងគ្នានោះដែរលោក ហ៊ីង ស៊ីថា ដែលជាសមាជិកក្រុមប្រឹក្សាឃុំកំពង់ព្រះ លោកក៏បានលើកឡើងដែរថាលោកក៏ទទួលបានកាតបសសនេះរយៈពេលជិតមួយឆ្នាំមកហើយលោកថាកាតនេះកម្មកររោងចក្រក៏មានមន្ត្រីរាជការក៏មានដែរ ហើយការប្រើកាតនេះពេលមានបញ្ហារសុខភាពទៅមន្ទីរពេទ្យរដ្ឋមិនអស់លុយកាក់នោះទេ។
ចំនែកឯលោក តែម ទិត្យ ប្រធានការិយាល័យ បេឡាជាតិ របបសន្ដិសុខសង្គម បានលើកឡើងក្នុងកម្មវិធីសន្ទនាមតិកាលពីថ្ងៃពុធ ទី៦ ខែ មីនាឆ្នាំ ២០១៩ ថា៖ សូមឲ្យនិយោជកក្រុមហ៊ុនសហគ្រាសគ្រប់ខ្នាត ដែលមានកម្មករ កម្មការីដែលធ្វើការហើយមិនទាន់បានទៅចុះបញ្ជីរនៅបេឡាជាតិរបបសន្ដិសុខសង្គមមេត្តាទៅចុះបញ្ជីរនិងទទួលបានប័ណ្ណបេឡាជាតិរបបសន្ដិសុខសង្គម ដើម្បីព្យាបាលជម្ងឺនៅមន្ទីរពេទ្យបង្អែរដ្ឋដោយឥតគិតថ្លៃជាដើម។
ប័ណ្ណបេឡាជាតិរបបសន្តិសុខសង្គម ហៅកាត់ថាបសស មានអត្ថប្រយោជន៍ដល់មន្ត្រីរាជការកម្មករ និយោជិតនានា ដូច្នេះចំពោះមន្ត្រីរាជការ កម្មករ និយោជិតដែលមិនទាន់មានប័ណ្ណនេះសូមរួសរាន់ស្នើរសុំទៅកាន់ទីស្នាក់ការបេឡាជាតិរបបសន្តិសុខសង្គមដែលនៅជិតលោកអ្នក។ សម្រាប់ខេត្តបាត់ដំបងមានទីតាំងឋិតនៅ ភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង។
ការិយាល័យនៅច្រកចេញចូលរតែមួយគឺមានសេវា ស្លាកម៉ូតូ និងសេវាមួយចំនួនទៀត ហើយក៏មានការលើកឡើងដោយចំណុចវិជ្ជមាន និងអវិជ្ជមាន។
ប្រជាពលរដ្ឋមួយរូបដែលទៅទទួលសេវាបានប្រាប់ថា ចំពោះបញ្ហាគឺអ្នកដែលធ្វើការនៅកន្លែងនោះគឺមិនសូវគោរពពេលវេលា ហើយតម្លៃមិនមានពិតប្រាកដ វាធ្វើអោយប្រជាពលរដ្ឋមិនសូវយល់ ហើយមានការលំបាក។
ចំណែកឯកញ្ញាវិមានបាននិយាយថា ការទៅទទួលសេវាគឺមានការយឺតយាវ ហើយកញ្ញាក់ហាក់មិនទាន់បានយល់ពីនីតិវិធីក្នុងការទៅទទួលសេវានៅឡើយនោះទេ។