អំពើហិង្សាក្នុងគ្រួសារតែងតែកើតមានឡើង បើទោះជាមានការដោះស្រាយពីអាជ្ញាធរក៏ដោយ, ជាមួយគ្នានេះដែល នៅពេលមានហិង្សាកើតឡើងប្រជាពលរដ្ឋតែងតែរាយការណ៍ទៅកាន់ប្រធានភូមិមុនគេបង្អស់ដោយសារតែគាត់នៅជិតប្រជាពលរដ្ឋជាងគេក្នុងភូមិ។
ប្រជាពលរដ្ឋមួយរូបលោក វុទ្ធី បានលើកឡើងថាការដោះស្រាយរបស់ប្រធានភូមិបានល្អខ្លះដែរតែនៅមួយចំនួនតូចមិនបានល្អគ្រប់ជ្រុងជ្រោយនៅឡើយ។ លោកក៏បានសំណូមពរអោយអាជ្ញាធរយកចិត្តទុកដាក់អោយបានខ្លាំងជាងនេះក្នុងការដោះស្រាយករណីហិង្សាក្នុងគ្រួសារនេះជាពិសេសគឺប្រធានភូមិតែម្តង។ លើសពីនោះទៀតសំណូមឲ្យមានផ្តល់ជាលេខទូរស័ព្ទដល់ប្រជាពលរដ្ឋដើម្បីងាយស្រួលក្នុងការទំនាក់ទំនង និង ជួយដោះស្រាយឲ្យបានទាន់ពេលវេលា។
លោកស្រី នូវ លក្ខណា ជា គកនក នៃសង្កាត់អូរចារមានប្រសាសន៍ថាកន្លងទៅយើងបានផ្តល់លេខទូរស័ព្ទដល់ប្រជាពលរដ្ឋមិនត្រឹមតែលេខរបស់ប្រធានភូមិ មេឃុំតែប៉ុណ្ណោះទេ ថែមទាំងលេខអ្នកដែលមានតួនាទីពាក់ព័ន្ធនឹងការដោះស្រាយករណីហិង្សានេះទាំងអស់តែម្តង។ ចំពោះការរាយការណ៍វិញគឺត្រូវតែរាយការណ៍ទៅកាន់ប្រធានភូមិមុនគេព្រោះគាត់នៅជិតប្រជាពលរដ្ឋជាងគេ ហើយការដោះស្រាយក៏បានលឿនផងដែរ។
ជារួមករណីហិង្សាក្នុងគ្រួសារអ្នកដែលត្រូវរាយការណ៍ទៅមុនគេបង្អស់គឺប្រធានភូមិព្រោះគាត់ជាអ្នកដែលនៅជិតប្រជាពលរដ្ឋជាងគេ។ ហើយគាត់ក៏អាចរកជម្រកសុវត្ថិភាពជូនស្ត្រីរងគ្រោះផងដែរ បើសិនជាស្ត្រីនោះត្រូវការ។ មិនតែប៉ុណ្ណោះប្រធានភូមិក៏ត្រូវរាយការណ៍ទៅកាន់ថ្នាក់ឃុំជាបន្តទៀតផងដែរ។
អត្ថបទ៖ ម៉ន ឆវ័ន្ត
