រដ្ឋបាល​ខេត្ត​បាត់ដំបង ជួបពិភាក្សា​ជាមួយ​គណៈប្រតិភូ​ក្រសួង​ផែនការ ដើម្បី​កំណត់​អ​ត្ត សញ្ញាណ​កម្ម​គ្រួសារ​ក្រីក្រ ក្នុង​ខេត្ត​បាត់ដំបង​

​ឯកឧត្តម ងួន រតនៈ អភិបាល នៃ​គណៈ​អភិបាលខេត្ត​បាត់ដំបង​បាន​ដឹកនាំ​មន្ត្រី​រដ្ឋបាល​ខេត្ត ទទួល​ជួប​ពិភាក្សា​ជាមួយ ឯកឧត្តម ផេង បញ្ញា​ធន ប្រតិភូ​ជា​រាជរដ្ឋាភិបាល​ទទួលបន្ទុក​អគ្គនាយក​ផែនការ នៃ​ក្រសួង​ផែនការ នៅ​សាលាខេត្ត​បាត់ដំបង ទាក់ទង​និង​ការកំណត់​អត្តសញ្ញាណ​កម្ម​គ្រួសារ​ក្រីក្រ​ក្នុង​ខេត្ត​បាត់ដំបង នា​ព្រឹក​ថ្ងៃទី​២៥ ខែ ឧសភា ។​

​ឯកឧត្តម ងួន​រតនៈ អភិបាល​នៃ​គណៈ​អភិបាលខេត្ត​បាត់ដំបង បាន​មានប្រសាសន៍ថា រដ្ឋបាលខេត្ត បាន​ណែនាំ​ដល់​មន្ទីរ​ផែនការ ដែល​ជា​សេនាធិការ​ក្នុង​ចុះ​ស្រង់​ទិន្នន័យ និង​កំណត់​អត្តសញ្ញាណ​កម្ម​គ្រួសារ​ក្រីក្រ ក្នុងអំឡុងពេល​កំពង់​មាន​វិបត្តិ​នៃ​ការរីក​រាលត្បាត​ជំងឺ​កូដវិ ១៩ ដែល​ធ្វើឱ្យ​ប៉ះពាល់​ដល់​ជីវភាព​រស់​ប្រចាំថ្ងៃ​របស់​បងប្អូន​ប្រជាពលរដ្ឋ នៅតាម​បណ្តា​មូលដ្ឋាន​ក្រុង ស្រុក ឃុំ សង្កាត់ នានា​ក្នុង​ខេត្ត​ផងដែរ​។​

​ឯកឧត្តម បន្ត​ជំរុញ​ដល់​មន្ត្រី​ជំនាញ ត្រូវ​សហការ​ជាមួយ​អាជ្ញាធរ​មូលដ្ឋាន​ក្នុង​ស្រង់​ទិន្នន័យ​កំណត់​អត្តសញ្ញាណ​គ្រួសារ​ក្រីក្រ ឱ្យបាន​ទាន់​ពេលវេលា​តាម​គោល​ការណែនាំ​របស់​ក្រសួង​ផែនការ និង​ត្រូវមាន​លក្ខណៈ​វិនិច្ឆ័យ​ឱ្យបាន​ច្បាស់លាស់ ជៀងវាង​មាន​ការ​រិះ​ពី​មហាជន បងប្អូន​ប្រជាពលរដ្ឋ​ក្នុង​ការកំណត់​អត្តសញ្ញាណ​កម្ម​គ្រួសារ​ក្រីក្រ​ផងដែរ​។​

​ក្នុង​លិខិត​មួយ​ច្បាប់​របស់​សម្តេច​ក្រ​ឡា​ហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួង​មហាផ្ទៃ​នា​ថ្ងៃទី​២៥​ខែ​ឧសភា​នេះ បាន​ការកំណត់​អត្តសញ្ញាណ​កម្ម​គ្រួសារ​ក្រីក្ររ​ត្រូវ​សម្រេច​ឱ្យបាន​ចប់​សព្វគ្រប់​នៅ​ដំណាច់​ខែ​ឧសភា ឆ្នាំ​២០២០ ចំពោះ​តំបន់​ជនបទ និង​តំបន់​ទីប្រជុំជន​ឱ្យបាន​មុន​ដំណាច់​ខែ​មិថុនា ឆ្នាំ​២០២០៕

​អត្ថបទ​៖ ភី សុខ​
​រូបភាព រដ្ឋបាលខេត្ត​