ស្របពេលដែលជំងឺកូវីដ១៩រាលដាលជាសកល ហើយកម្ពុជាក៏មានអ្នកឆ្លងកើនឡើងដល់ ១០៧នាក់ និង ជាសះស្បើយ២៣នាក់ ប្រមុខរដ្ឋាភិបាលកម្ពុជាបានមានវិធានការជាបន្តបន្ទាប់
ពិសេស ការរក្សាស្បៀងទុកក្នុងប្រទេសក្នុងដំណាក់កាលនេះ។
សម្តេចតេជោ ហ៊ុន សែន បានចេញបញ្ជាឲ្យផ្អាកការនាំចេញអង្ករ និងស្រូវ តែអនុញ្ញាតឲ្យបន្តនាំចេញអង្ករក្រអូបតែប៉ុណ្ណោះ ដោយចាប់អនុវត្តចាប់ពីថ្ងៃទី០៥ ខែមេសា ២០២០តទៅ។
ការសម្រេចនេះ សម្តេចបញ្ជាក់ថា ដើម្បីរក្សាទុកអង្ករស្រូវ សម្រាប់ការផ្គត់ផ្គង់ក្នុងប្រទេស និងបំពេញតម្រូវការរបស់ប្រជាពលរដ្ឋ។
ប្រមុខរដ្ឋាភិបាលកម្ពុជាមានវិធានការនេះធ្វើឡើងក្នុងសន្និសិទកាសែតមួយនៅវិមានសភាជាតិនាព្រឹកថ្ងៃទី៣០ ខែ មីនា ២០២០ នេះ៕
អត្ថបទ ៖ ភី សុខ
