ការផ្តល់សាវាសៀវភៅគ្រួសារ សៀវភៅស្នាក់នៅ ជូនពលរដ្ឋ

នរគ​របាល​ប៉ុ​ស្ត៍​បានបង្ហាញ​ថាប​ច្ចុ​ប្ប​នេះ​ប្រជាពលរដ្ឋ​បានមក​ធ្វើ​សៀវភៅ​ស្នាក់​នៅបាន​គ្រប់ៗ​គ្នា ហើយ​ការបម្រើ​ជូន​ប្រជាពលរដ្ឋ​គឺ​មិន​យក​តម្លៃ​នោះទេ តាម​អ្វីដែល​រាជរដ្ឋាភិបាល​បាន​ដាក់អោយ​អនុវត្តន៍​។​

លោក​អនុ​សេនី​យី៍​ទោ ចា​ត បូ​រិ​ន នាយ​ប៉ុ​ស្ត៍​រដ្ឋបាល​ក្តុល​ដូនទាវ​បាន​ប្រាប់​អោយដឹងថា បច្ចុប្បន្ននេះ​ប្រជាពលរដ្ឋ​បានមក​ធ្វើ​សៀវភៅ​គ្រួ​សារបាន​គ្រប់​គ្រួសារ​ដោយ​មិនមាន​ការខ្វះខាត​នោះឡើយ ប៉ុន្តែ​លោក​ថា​ខ្វះ​តែ​សៀវភៅ​គ្រួសារ​តែ​ប៉ុន​ណ្ណោះ​។ ម្យ៉ាងទៀត​លោក​ទទួលស្គាល់ថា​ការធ្វើ​សៀវភៅ​ស្នាក់នៅ​កន្លងទៅ​ហាក​មានការ​យឺត​យាវ​ដល់​ពលរដ្ឋ​។​

សម្រាប់​សៀវភៅ​ស្នាក់នៅ​នេះ​ គឺមាន​សារប្រយោជន៍​សម្រាប់​គ្រួសារ​និ​មួយ​ក្នុងការ​ប្រើប្រាស់​ក្នុង​ជីវភាព​ប្រចាំថ្ងៃ ហើយ​ងាយស្រួល​ដល់​នរគ​បាល​ប៉ុ​ស្ត៍​គ្រប់គ្រង​ផងដែរ​ ហើយលោក​ក៏បាន​សំណូមពរ​ដល់​គ្រប់​គ្រួសារ​ដែល​មិនទាន់មាន​សៀវភៅ​ស្នាក់នៅ សូម​មក​ធ្វើ​នៅ​នរគ​បាល​ប៉ុ​ស្ត៍​ដោយ​មិន​អស់ថ​វិការ​នោះទេ​។​ ចំណែក​ពលរដ្ឋ​ដែល​បានធ្វើ​សៀវភៅ​នេះ​រួចហើយ​ក៏បាន​បង្ហាញ​ពី​អត្ថប្រយោជន៍​នៃ​ការប្រើប្រាស់ កិច្ចការងារ​ផ្សេងៗ​ទៀតផង​ដែរ​។​

បន្ថែម​លើ​នេះ​ទៀត ​លោក​វរៈសេនីយ៍ឯក ឆេង ឈិ នាយការិយាល័យ​គ្រប់គ្រង​នៃ​ស្នងការដ្ឋាន​នគរបាល​ខេត្តបាត់ដំបង​បាន​លើកឡើងថា ក្រុមគ្រួសារ​និ​មួយៗ​គឺ​មិន​អនុញ្ញាតអោយ​ចុះឈ្មោះ​ឬ​ធ្វើ​សៀវភៅ​ស្នាក់នៅ​ពី​កន្លែង​បានឡើយ​ទោះ​អ្នកនោះ​មាន​កន្លែង​ស្នាក់នៅ​ច្រើន​កន្លែង​ក៏ដោយ​។​

សៀវភៅ​ស្នាក់នៅ​ គឺជា​សៀវ​ប្រើប្រាស់​ជា​វិធានការ​នគរបាល​ដើម្បី​ស្រង់​ស្ថិតិ​ចំនួន​មនុស្ស​ដែល​ស្នាក់នៅ​អចិន្ត្រៃយ៍ សៀវភៅ​នេះ​ផ្តល់ជូន​ប្រជាពលរដ្ឋ​ប្រើប្រាស់​មិនមែន​សម្រាប់តែ​បញ្ជាក់​ពី​ញាតិ​ភាព ឬ​សញ្ជាតិ​ខ្មែរ​នៃ​មនុស្ស​ដែលមាន​សៀវភៅ​នេះឡើយ​។ សៀវភៅ​ស្នាក់នៅ​នេះ​ត្រូវបាន​ផ្តល់ជូន​ប្រជាពលរដ្ឋ​ដោយ​មិន​យក​ថ្លៃ និង​ត្រូវ​ទៅធ្វើ​សៀវភៅ​នេះ​នៅ​ប៉ុ​ស្ត៍​នរគ​បាល​។​

បទយកការណ៍​៖ កញ្ញា ម៉ន ឆ​វ័​ន្ត​