ក្រោយពីបង្ហោះសារវីដអូ តាម Tik Tok បំផុសអោយអោយស្ងោរពងមាន់ញាំ១គ្រាប់អាចការពារជម្ងឺកូរ៉ូណាប្រភេទថ្មីបានតែប៉ុន្មានម៉ោងកាលពីថ្ងៃ២៦មីនា មានអ្នកមើលរាប់សែននាក់តាមTik Tok និង មានអ្នកយកទៅបង្ហោះបន្តតាមហ្វេសប៊ុក មានអ្នកមើលរាប់ខេផងនោះ។
ការបង្ហោះសារបំពុលសង្គមនេះ មិនយូរប៉ុន្មាន នៅថ្ងៃ២៧ខែមីនានេះ កម្លាំងស្នងការគបាលខេត្តសៀមរាប បាននាំខ្លួនស្ត្រីម្នាក់នេះមកកាន់ស្នងការហើយ នេះបើតាមការបង្ហោះក្នុងផេកហ្វេសប៊ុក ឯកឧត្តម ជា ច័ន្ទបរិបូណ៌ រដ្ឋលេខាធិការក្រសួងព័ត៌មាន។
ឯកឧត្តម បានដាក់ចំណងជើងថា«ក្រោយពីធ្វើPromotion លក់ពងពីម្សឹលមិញដោយជោគជ័យ ថ្ងៃនេះចូលម្លប់បានសម្រេច »។
នារី បង្ហោះសារវីដេអូ តាមបណ្ដាញសង្គម Tik Tok មានឈ្មោះថាសុខ ឡី ។ ខ្លឹមសារមិនពិតដែលនារីរូបនោះបង្ហោះ«ស្រុកខ្ញុំមានកូនង៉ាទើបកើតបាន២ថ្ងៃ ហើយក៏ចេះនិយាយប្រាប់ថាក្នុងថ្ងៃនេះត្រូវស្ងោរ ពងញ៉ាំម្នាក់មួយគ្រាប់ ដើម្បីការពារជំងឺកូរណា ។ ហើយអ្នកស្រុកខ្ញុំគេនាំគ្នាផ្អើលទៅមើលគ្រប់គ្នា ហើយនាំគ្នាទិញពងស្ងោរញ៉ាំ ហើយឥឡូវរកទិញពងមាន់អត់បាន។ ធម្មតាកូនង៉ា១ខួបទើបចេះនិយាយ តែអានឹងកើតបាន២ថ្ងៃចេះនិយាយ អ្នកទាំងអស់គ្នាគួរតែជឿត្រូវអត់ បើខ្ញុំ ខ្ញុំជឿម៉ង់ ព្រោះឃើញហ្មងឡើងមួយភូមិផ្អើលទៅមើល ”
លោកជំទាវ ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលមានប្រសាសន៍ក្នុងកិច្ចសម្ភាន៍ជាមួយTVK នាថ្ងៃ២៧មីនានេះថា ព័ត៌មានក្លែងក្លាយ បំពុលសង្គម កើតឡើងស្ទើរគ្រប់ប្រទេសនៅពេលដែលមានបញ្ហារាលដាលជំងឺកូវីដ១៩នះ។ លោកជំទាវបញ្ជាក់ថា ការញាំស៊ុត មិនអាចព្យាបាលរឺការពារជំងឺកូវីដបានទេ កុំយល់ច្រឡំ ប៉ុន្តែស៊ុតវាគ្រាន់តែអាចជួយបំប៉នសុខភាពតែប៉ុណ្ណោះ បើយើងទទួលទានជាប្រចាំ៕
ភី សុខ
