មន្ទីរ​បរិស្ថាន​ខេត្តបាត់ដំបង​៖ អំពាវនាវ​មជ្ឈដ្ឋាន​ទូទៅ ត្រូវ​ទុកដាក់​ថង​ប្លា​ស្ទិ​ក ឱ្យបាន​ត្រឹមត្រូវ​

មន្ត្រី​មន្ទីរ​បរិស្ថាន​ខេត្តបាត់ដំបង បាន​អំពាវនាវ ដល់​ពលរដ្ឋ​ទូទៅ ឱ​ទុកដាក់​ថង់​ប្លា​ស្ទិ​ក បន្ទាប់ពី​ប្រាស់​ប្រាស់ ត្រឹមត្រូវ ជៀសវាង​នាំ​ប៉ះពាល់​សុខភាព និង​សោភ័ណភាព ។ ការលើកឡើង​បែបនេះ ធ្វើ​ក្នុង​កម្មវិធី​សន្ទនា​មតិ​វិទ្យុជាតិ​ចំការចេក ថ្ងៃទី ០៧ មិថុនា ឆ្នាំ ២០១៩ ។

លោក អៀ គឹម​ឆេង អនុប្រធាន​មន្ទីរ​បរិស្ថាន ខេត្តបាត់ដំបង​បាន អំពាវនាវ ឱ្យ​មជ្ឈដ្ឋាន​ទូទៅ នៅពេល​ប្រើប្រាស់​ថង់​ប្លា​ស្ទិ​ក រួច ត្រូវ​ទុកដាក់ ក្នុង​ធុងសម្រាម ត្រឹមត្រូវ ដើម្បី​បរិស្ថាន​ខេត្ត​យើង មាន​ភាពស្រស់ស្អាត គឺ​ត្រូវ​ចាប់ផ្តើម ពី​មនុស្ស​ម្នាក់ៗ​ទៅ ។
​ម្យ៉ាងទៀត លោក​បញ្ជាក់ថា ការចូលរួម​កាត់បន្ថយ ថង់​ប្លា​ស្ទិ​ក មនុស្ស​ម្នាក់​@​ក៏ត្រូវ យកចិត្តទុកដាក់ ដោយ​នៅពេល វេច​ខ្ចប់ របស់រប ផ្សេងៗ ដោយ​ប្រើ​ថង់ គឺ​មិន​ត្រូវយក​ថង់​ប្លា​ស្ទឹ​ក​ច្រើន​ទេ ។ ចំណែក ផលប៉ះពាល់​វិញ​លោក​ថា ថង់​ប្លា​ស្ទិ​ក​នេះ នាំឱ្យ​ប៉ះពាល់​សុខភាព មនុស្ស ធ្ងន់​ធ្ងូ​រ ដែល​យើង​មើលមិនឃើញ លើសពីនេះ​ក៏​ប៉ះពាល់​ដល់​បរិស្ថាន​ដែរ ។ ហើយចំណែក​មន្ទីរ​បរិស្ថាន​វិញ លោក​ថា បានធ្វើការ​ផ្សព្វផ្សាយ តាម​បណ្តា​ស្រុក ក្រុង ដើម្បីអោយ​ពលរដ្ឋ មានការ​យល់ដឹង ពី​ការ​ទុកដាក់​សម្រាម ពិសេស​ថង់​ប្លា​ស្ទិ​ក ។

បញ្ជាក់ថា៖ បច្ចុប្បន្ននេះ ការប្រើប្រាស់​ថង់​ប្លា​ស្ទិ​ក ត្រូវបាន​គេ​មើលឃើញថា មនុស្ស​ម្នាក់ៗ សឹងតែ​មិនអាច ជៀសផុត នៅពេល​យើង​ទិញ​របស់រប ផ្សេងៗ តែងតែ​ច្រក មក​តាម​ខ្លួន យ៉ាងហោច​ក៏​ម្នាក់​មួយ​ដែរ ។ បញ្ហា​នេះ នាំអោយ សំបូរ​ដោយ​ថង់​ប្លា​ស្ទិ​ក តាម​ដងផ្លូវ ទីសាធារណៈ នៅ​ប្រសិនបើ​មនុស្ស​ម្នាក់ៗ​មិនបាន ទុកដាក់​អោយបាន​ត្រឹមត្រូវ ។​

យោងតាម​អនុ​ក្រិត ស្តីពី​ការគ្រប់គ្រង​ថង់​ប្លា​ស្ទិ​ក អនុ​ក្រិត​នេះ មាន​គោលបំណង បង្កើន​ប្រសិទ្ធភាព​លើ​ការកាត់បន្ថយ ការ​នាំចូល​ការផលិត , ការចែក​ចាយ​, ការប្រើប្រាស់​ថង់​ប្លា​ស្ទិ​ក , សំដៅ​ធានាបាន​កិច្ច​គាំពារ​សុខភាព​សាធារណៈ បរិស្ថាន និង​សោ​ភ​ណ័​ភាព ។

អត្ត​បទ​៖ ញ៉ែម ចាន់​