តាមសេចក្តីប្រកាសរបស់ក្រសួងសុខាភិបាលថ្ងៃទី១៣មិថុនាបញ្ជាក់ថាការចូលរួមអនុវត្តវិធានការណ៍៤ ដើម្បីចៀសផុតពីការពុលស្រាស ឬស្រាថ្នាំ មានដូចជា ៖
១៖ មិនត្រូវទិញ និងបរិភោគស្រាស ឬស្រាថ្នាំ ដែលផលិត ឬ បិត ដោយមិនមានប្រភពច្បាស់លាស់ មិនមានលក្ខណៈ បច្ចេកទេសត្រឹមត្រូវ ជាដាច់ខាត ជាពិសេសស្រាដែលយកមេតាណុលមកហើយ ត្រូវហាមឃាត់ដាច់ខាត
២៖ ត្រូវបញ្ឈប់ជាដាច់ខាត នូវការលក់ដូរស្រាស ឬស្រាថ្នាំ ដែលផលិត ឬបិត ឬលាយផ្សំ ដោយមិនត្រឹមត្រូវតាមលក្ខណៈ បច្ចេកទេស។
៣៖ បើមានបញ្ហាសុខភាពដូចជា ឈឺក្បាល ក្អួត ឈឺពោះ វិលមុខ ស្រវាំងភ្នែក សន្លប់ ប្រកាច់ ពិបាកដកដង្ហើម ជាដើម សូមស្វែងរកការពិគ្រោះពិនិត្យ និងព្យាបាល ជាបន្ទាន់នៅមណ្ឌលសុខភាព ឬទៅមន្ទីពេទ្យដែលនៅជិតលោកអ្នកជាទីបំផុត។
៤៖ ចៀសវាងការពុលចំណីអាហារ ដោយអនុវត្តអនាម័យល្អ រស់នៅស្អាត ជាពិសេសអនុវត្តន៍គោលការណ៍ អនាម័យចំណីអាហារស្អាត ជាដើម។
សូមបញ្ជាក់ថា ចាប់ពីថ្ងៃទី០៧ ដល់ ថ្ងៃទី១៣ ខែមិថុនា ឆ្នាំ២០២០ មានហេតុការណ៍ណ៍ពុលស្រាថ្នាំចិនសែតាំងគួយ បានកើតឡើងនៅក្នុងភូមិចំនួន ០៩ភូមិ នៅក្នុងក្រុងប៉ោយប៉ែត និងស្រុក ម៉ាល័យនៃខេត្តបន្ទាយមានជ័យ ដែលមានអ្នកពុលស្រាថ្នាំនេះ សរុបចំនួន ៤៤នាក់ ក្នុងនោះ មានស្ត្រីចំនួន ០៣នាក់ និងស្លាប់បុរស ចំនួន ០៧នាក់)៕
ដោយ ភី សុខ