ការផ្តល់ជំនាញបច្ចេកទេសដល់យុវជនដែលបោះបង់ការសិក្សា

​ ​និស្សិត និង​យុវជន​មួយចំនួន នៅ​ក្រុង​បាត់ដំបង កំពុងតែ​ប្រឈម ការស្វែងរក​ការងារ​ធ្វើ ព្រោះតែ​ទីផ្សារការងារ​ខ្លះ មិនត្រូវ​នឹង​ជំនាញ​របស់​ពួកគេ​។ និស្សិត​ខ្លះទៀត មិនទាន់មាន​ជំនាញ សមត្ថភាព​គ្រប់គ្រាន់ ទាញយក​ការងារ​ធ្វើបាន ដោយ​ដឹង​ច្បាស់​ពី​ទីផ្សារការងារ​បច្ចុប្បន្ន​។​

​ ​លោក សេដ្ឋា អាយុ ២៥​ឆ្នាំ រស់នៅ ក្រុង បាត់ដំបង បាន​ប្រាប់ថា​៖ សង្កេតឃើញថា និស្សិត​មួយ​កំពុងតែ​ប្រឈម ការធ្វើការងារ​ខុស​ជំនាញ​។​ដោយឡែក​និស្សិត​មួយចំនួនទៀត បាន​សោកស្តាយ​ដោយសារតែ នៅពេល​សិក្សា​ថ្នាក់បរិញ្ញាប័ត្រ បានជ្រើសរើស​រៀន​ជំនាញ​តាម​គ្នា ឬ​ត្រូវ​ឪពុកម្តាយ​បង្ខំ ឲ្យ​រៀន​ជំនាញ ដែល​ខ្លួន​មិន​ចូលចិត្ត​ជាដើម​។​

​សេដ្ឋា បន្តទៀតថា​៖ នៅពេល​ពួកគេ​ទាំងនោះ​ធ្វើការ​ខុស​ជំនាញ​បែបនេះ គឺអាច​ប៉ះពាល់​អារម្មណ៍​ផ្លូវចិត្ត មួយវិញទៀត​គ្មាន​សម្ថ​ត​ភាព​គ្រប់គ្រាន់ បំពេញការងារ​របស់​ខ្លួន​បច្ចុប្បន្ន​។​

​ទន្ទឹមនឹងនេះ លោក នៅ ញិ​ន នាយក​វិទ្យាស្ថាន​ជាតិ​វិជ្ជាជីវៈ​បាត់ដំបង មានប្រសាសន៍ថា​៖ នៅ​វិទ្យាស្ថាន​លោក គឺមាន​ការផ្តល់​ជំនាញ​ជាច្រើន រហូតដល់​ថ្នាក់បរិញ្ញាប័ត្រ​រង ដែល​តម្រូវ​ទៅតាម​ទីផ្សារការងារ​បច្ចុប្បន្ន​។ ដោយឡែក ចំពោះ​និស្សិត​ប្រឈម​នឹង​ការ​ស្វែងរ​ការងារ​ធ្វើ ឫ​ធ្វើ​ការងារ​ខុស​ជំនាញ​នោះ លោក​យល់ឃើញថា បើ​ពួកគេ​ទាំងនោះ​សិក្សា​ជំនាញ​ឲ្យ​បានច្បាស់លាស់ យកចិត្តទុកដាក់ គឺ​គ្មាន​បញ្ហា​ទេ​។​

​សរុប​រួម និស្សិត​មួយចំនួន ប្រឈម​នឹង​ភាព​គ្មាន​ការងារ​ធ្វើ និង​ធ្វើ​ការខុស​ជំនាញ ដោយ​មូលហេតុ​ជាច្រើន​ផ្សេងៗ​គ្នា​។ ចំពោះ​បញ្ហា​នេះ រដ្ឋាភិបាល​កម្ពុជា​បាន នឹង​កំពុងតែ​យកចិត្ត​ទុកចិត្ត​ជាខ្លាំង​។​

អត្ថបទ៖ លោក ហ៊ាន វាសនា