ការត្រួតពិនិត្យ​គុណភាព​ជ្រូក​នាំចូល ក្នុង​ឪ​កាស​បុណ្យចូលឆ្នាំ​ចិន​

រដូវ​បុណ្យចូលឆ្នាំថ្មី​ចិន​ជិ​ចូលមក​ដល់​គេ​សង្កេតឃើញថា តម្លៃ​សាច់ជ្រូក​នៅលើ​ទីផ្សារ​ហាក់​មានតម្លៃ​ឡើងថ្លៃ​ជាង​ថ្ងៃ​ធម្មតា​។

ប្រជាពលរដ្ឋ​មួយរូប​បាន​លើកឡើងថា ជិត​ចូលឆ្នាំ​ចិន​នេះ សាច់ជ្រូក​ឡើងថ្លៃ​ជាង​មុន ពី​១​គីឡូ​១៧,០០០ ឬ​១៨,០០០​រៀល ឥលូវ​ឡើងដល់​ ១​គីឡូ ២០,០០០​ម៉ឺន​រៀល​។​ អ្នកស្រី​បានលើកឡើង​បន្តទៀត ចំពោះ​គុណភាព​សាច់ជ្រូក​ល្អ​ឬ​អត់​នោះ គាត់​មិន​បានដឹង​ទេ គាត់​ទិញ​សាច់ជ្រូក​ទិញ​តាម​គេ​តាម​ឯង គេ​ថា​ល្អ​គាត់​ក៏​ទិញ​មក​លក់​បន្ត ដោយ​មិនបាន​ដឹងថា​តើ​សាច់ជ្រូក​នោះ​មានការ​ពិនិត្យ​ត្រឹមត្រូវ​ហើយ​ឬ​នៅទេ​។​

​អ្នកស្រី​ក៏បាន​សំណូមពរ សូមអោយ​មានការ​ត្រួត​ពិនិត្យ​គុណភាព​សាច់ជ្រូក​ឱ្យបាន​ត្រឹមត្រូវ​មុន​និង​ដាក់លក់​នៅលើ​ទីផ្សារ​ដើម្បី​សុខភាព​អ្នក​បរិភោគ កុំឱ្យ​ពួកគាត់​មានការ​ព្រួយបារម្ភ​កើត​ជម្ងឺ​ផ្សេងៗ និង​ដើម្បី​ជួយ​លើកទឹកចិត្ត​ដល់​ប្រជាពលរដ្ឋ​ដែល​ចិញ្ចឹម​ជ្រូក​និង​លក់​សាច់ជ្រូក​ឱ្យ​លក់​កាន់តែ​ដាច់​ជាង​មុន​ផងដែរ​។​

​ទោះជា​យ៉ាងណាក៏ដោយ​ក៏​នៅតែមាន​ប្រជាពលរដ្ឋ​មួយចំនួន​ហាក់​មានការ​ខ្លាចរអា​ចំ​ពោះ​ការបរិភោគ​សាច់ជ្រូក​នេះ ព្រោះ​ពួកគាត់​នៅតែមាន​ការមិន​ទុក​ខ្លាចក្រែង​សាច់ជ្រូក​មិន​មានការ​ត្រួតពិនិត្យបាន​ត្រឹមត្រូវ​ច្បាស់លាស់​មុន​និង​ដាក់លក់​នៅលើ​ទីផ្សារ​។​

បទយកការណ៍៖ កញ្ញា រិន ម៉ារីយ៉ាន