ថ្មីៗនេះ សង្កាត់ទួលតាឯក នៃក្រុងបាត់ដំបង កំពុងមានការអភិវឌ្ឃន៍ជាភាគច្រើនដូចជា សេវាសាធារណៈ សេវាព្យាបាលនៅមណ្ឌលសុខភាព ជាពិសេសការធ្វើផ្លូវក្រាលកៅស៊ូ និង ផ្លូវក្រួសក្រហម ជាដើមក្នុងសង្កាត់ ។ ការអភិវឌ្ឃន៍ទៀត សោត ធ្វើឲ្យពលរដ្ឋមានភាពងាយស្រួលជាងមុន តែក៏នៅមានភូមិមួយចំនួន ខូចខាតនៅឡើយ។
ជាពលរដ្ឋមួយរូបមានអាយុ២៣ឆ្នាំ រស់នៅសង្កាត់ទូលតាឯក អ្នកនាង ពេជ្រ បានប្រាប់ថា៖ ឥឡូវនេះមានផ្លូវចាក់ប៊េតុងល្អស្អាតជាងមុខ មានរៀបចំប្រពន្ធលូផងដែរ ដោយមានថវិការបស់រដ្ឋ និង ប្រជាពលរដ្ឋផងដែរ ។
ចំនែកឯ កញ្ញាម្នាក់មិនបញ្ចេញឈ្មោះ រស់នៅភូមិអូរតាគាំ២ បានប្រាប់ថា៖ ផ្លូវភូមិកញ្ញា ទើបតែធ្វើ មានភាពល្អប្រសើរជាងមុន តែភូមិផ្សេងមិនដឹងថាធ្វើ ឬក៏អត់នោះទេ។
កញ្ញា ស្រីតូច នៅសង្កាត់ទួលតាឯក បានលើកឡើងថា៖ ផ្លូវនៅសាកលវិទ្យាល័យ ស៊ី យូ អេស (CUS) មានជង្ហុកច្រើនលំបាក ក្នុងការធ្វើដំណើរទៅមក។
បញ្ហានេះ លោក សំរិត ឆន ចៅសង្កាត់ទួលតាឯក បានលើកឡើងក្នុងកម្មវិធីសន្ទនាមតិវិទ្យុជាតិចំការចេកខេត្តបាត់ដំបង កាលពីថ្ងៃ ច័ន្ទទី០២ ខែកញ្ញា ឆ្នាំ២០១៩ថា៖ ចំពោះបញ្ហាផ្លូវនៅតំបន់សាកលវិទ្យាល័យ ស៊ី យូ អេស ពិតជាមានការលំបាកមែន ចំពោះការធ្វើដំណើរទៅមករបស់ពលរដ្ឋ អាជ្ងាធរសង្កាត់ ក៏បានត្រៀមរៀបចំស្នើសុំហើយនៅគម្រោងសង្កាត់ ចំពោះថវិកាជាតិ នៅឆ្នាំ២០២០ ខាងមុននេះ ដើម្បីរៀបចំស្ថាបនាផ្លូវមួយខ្សែរនេះឡើងវិញ។
យ៉ាងណាក៏ដោយ ទាមទាឲ្យអាជ្ងាធរពាក់ពន្ធ័យកចិត្តទុកដាក់បន្ថែមទៀត នៅក្នុងសហគមន៏លើការស្ថាបនាផ្លូវ ក្នុងភូមិណា ជាតម្រូវការរបស់ពលរដ្ឋ ដែលកំពុងជួបការលំបាកនោះ។
អត្ថបទ៖ លោក ឈឿន ថៃកឿ
