អភិបាលស្រុក​រុក្ខ​គី​រី ជា​ស្ត្រី​ត្រូវបាន​ប្រកាស​តែងតាំង​ថ្មី​

​អភិបាល​ស្រុក​ជា​ស្ត្រី​ត្រូវ​បាន​ប្រកាស​ចូល​កាន់តំណែង​នៅ​ស្រុក​រុក្ខ​គី​រី​ខេត្តបាត់ដំបង ដោយ​មាន​ការចូល​ថ្នាក់​ពី​ថ្នាក់ដឹកនាំ​ខេត្ត មន្ទីរ​ស្ថាប័ន​នានា​ជុំវិញ​ខេត្ត​កាលពី​ថ្ងៃ​ទី​២៥​ខែវិច្ឆិកា ឆ្នាំ ២០២០ ។​

​ក្នុង​អនុ​ក្រិត​តែងតាំង​ដែល​ប្រគល់​ជូន​អភិបាលស្រុក​ថ្មី ដោយ ឯកឧត្តម ងួន រតនៈ អភិបាល នៃ គណៈ​អភិបាលខេត្ត​បាត់ដំបង​នោះ​បាន​បញ្ជាក់ថា លោកស្រី ប៊ិន បូឡែន ឋានន្តរស័ក្តិ ថ្នាក់​លេខ ៦ ឱ្យ កាន់​មុខតំណែង​អភិបាល នៃ​គណៈ​អភិបាលស្រុក​រុក្ខ​គិរី ខេត្ត​បាត់ដំបង ។​

​ក្នុងឱកាស​នោះ​លោកស្រី ប៊ិន បូឡែន អភិបាល នៃ​គណៈ​អភិបាលស្រុក​រុក្ខ​គិរី បាន​ឡើង​អាន សេចក្តី ប្តេជ្ញាចិត្ត​ចំពោះ​គណៈអធិបតី និង​អង្គពិធី​ទាំងមូល ក្នុង​អនុវត្ត​តួនាទី ភារកិច្ច ដោយ​ត្រូវ មាន សាមគ្គីភាព ផ្ទៃក្នុង និង​ប្តេជ្ញា​ក្នុង​ថែរក្សា​សុខសន្តិភាព សន្តិសុខ​សណ្តាប់ធ្នាប់​សាធារណៈ សង្គម នៅ​មូលដ្ឋាន​ស្រុក​ផង​ដែរ​៕