ការឆ្លើយតប​តម្រូវកា​រ​ប្រជាពលរដ្ឋ វត្ត​តា​មិ​ម​

ប្រជាពលរដ្ឋ​មួយចំនួន រស់នៅ​ឃុំ​វត្ត​តា​មិ​ម បានតែ​ត្អូញត្អែរ​ចំពោះ បញ្ហា​ផ្លូវ​កៅស៊ូ​ឆ្លងកាត់​ភូមិ​ក្នុង​ឃុំ ដោយសារតែ​ផ្លូវ​នេះ មាន​សភាព​ខូចខាត ធ្វើ​ឲ្យ​ប៉ះពាល់​ដល់​ការធ្វើដំណើរ និង​អាច​បង្ក​ជា​គ្រោះថ្នាក់​ចរាចរណ៍​។​

អ្នកស្រី វី ជា​ប្រជាពលរដ្ឋ រស់នៅ​ភូមិ​កំពង់​ពិល ឃុំ​វត្ត​តា​មិ​ម បាន​ប្រាប់ថា​៖ ផ្លូវ​កៅស៊ូ​ឆ្លងកាត់​ភូមិ​បច្ចុប្បន្ន មាន​សភាព​ទ្រុឌទ្រោម​ដោយសារ មាន​ឡាន​ដឹក​ដី​ឆ្លងកាត់​ច្រើន ហើយ​មានការ​ពិបាក​ខ្លាំង​ចំពោះ​ការធ្វើដំណើរ​នៅពេល​យប់​។​ មិន​ខុសគ្នា​នេះ អ្នកស្រី សាវ៉ន រស់នៅ ភូមិ​ស្លក្រាម ឃុំ​វត្ត​តា​មិ​ម បាន​រៀបរាប់ថា​៖ អ្នកស្រី​សង្កេតឃើញ មាន​គ្រោះថ្នាក់​ចរាចរណ៍​កើតឡើង ដោយសារ​ផ្លូវ​មាន​សភាព​ខូចខាត​។ អ្នកស្រី​ចង់​ឲ្យ​អាជ្ញាធរ ដោះស្រាយ​ចំពោះ​បញ្ហា​នេះ​។

​ទោះយ៉ាងណា​ក្តី បញ្ហា​ផ្លូវ​កៅស៊ូ​មួយ​ខ្សែរ​នេះ បច្ចុប្បន្ន​ប្រជាពលរដ្ឋ​បាន​សង្កេតឃើញ គឺមាន​ការ​ជុល​ជួល ជា​បន្ត​បន្ទាប់ពី​សំណាក់​អាជ្ញាធរ ប៉ុន្តែ​ប្រជាពលរដ្ឋ​ចង់​ឲ្យ​មានការ​ថែទាំ​ផ្លូវ​បានល្អ កុំ​ឲ្យ​មាន​សភាព​ខូចខាត​ទៀត ។

លោក អ៊ិម ស្វាង មេឃុំ​វត្ត​តា​មិ​ម​បាន​លើកឡើងថា ចំពោះ​បញ្ហា​ផ្លូវ​នេះ​គឺ​តែងតែ​មានការ​ជុស​ជុល ជារឿយៗ​។ ហើយ​ចំពោះ​ការអភិវឌ្ឍន៍​កន្លងមក​គឺ​បានធ្វើ​ថ្នល់​កៅស៊ូ​ប្រវែង 3555​ម៉ែត និង​បាន​ស្តា​ប្រឡាយ​ស្រាប់​ស្រោចស្រព​ដំណាំ និង​ទឹក​ប្រើប្រាស់​ប្រវែង 2020​ម៉ែត​ផងដែរ​។​

អត្ថបទ៖ ក. ​ម៉ន ឆ​វ័​ន្ត​