វ៉ាស៊ីនតោន)៖ យោងតាមតួលេខចុងក្រោយបង្អស់ ចេញដោយសកល វិទ្យាល័យ ចនហបគីនស៍
សហរដ្ឋអាមេរិកបានរកឃើញអ្នកឆ្លងវីរុសកូរ៉ូណាថ្មីនៅសហរដ្ឋអាមេរិក ចំនួនជាង៨៥ ៥០០ករណី ដោយ
លើស ប្រទេស ចិនដែលមានអ្នកឆ្លងសរុបត្រឹមតែ (៨១.៧៨២ ករណី) និងអ៊ីតាលី (៨០.៥៨៩) នេះបើយោង
តាមការ ផ្សាយរបស់BBC នាថ្ងៃទី២៧មីនានេះ។
យ៉ាងណាក៏ដោយអត្រាស្លាប់នៅសហរដ្ឋអាមេរិកមានកម្រិតតិចជាងចិននិងអ៊ីតាលីនៅឡើយ ដោយ អាមេរិក
ស្លាប់ជិត១៣០០នាក់ ចំណែកនៅប្រទេសចិនស្លាប់៣.២៩១ នាក់ និង អ៊ីតាលីស្លាប់ ៨.២១៥ នាក់ ។
បើទោះបីជា សហរដ្ឋអាមេរិក បានចាត់ទុកអត្រាស្លាប់ទាប ធៀបនឹងអត្រាឆ្លងនេះ គឺជាជោគជ័យមួយ ក៏ដោយ
ក៏ករណីឆ្លង ច្រើនបែបនេះ ត្រូវបានក្រុមជំនាញអាមេរិករិះគន់ថា បណ្តាលមក ពីការយឺតយ៉ាវ ក្នុងធ្វើតេស្ត
ជាពិសេសការ ខ្វះខាតឧបករណ៍វេជ្ជសាស្ត្រ តាំងតែពីជំងឺ COVID-19 ចាប់ផ្តើមរីករាល ដាល ដំបូង។
BBC បន្ថែមថា សហរដ្ឋអាមេរិក បានធ្វើតេស្តមនុស្សសរុបជាង ៥៥២,០០០នាក់ហើយ នៅក្នុងរដ្ឋទាំង ៥០
ហើយករណីសង្ស័យនៃ COVID-19 ជាច្រើនទៀតកំពុងតែស្ថិតនៅក្នុងការធ្វើតេស្តនៅឡើយ។
កាលពីថ្ងៃព្រហស្បតិ៍នោះដែរ ព្រឹទ្ធសភាអាមេរិកបាន អនុម័តកញ្ចប់ថវិកា ដ៏ច្រើនមហិមា ជាប្រវត្តិសាស្ត្រ ចំនួន
២ទ្រីលានដុល្លារ ដើម្បីដោះស្រាយបញ្ហា គ្រប់បែបយ៉ាងក្នុងប្រទេស ដែលរងផលប៉ះពាល់ដោយសារ
COVID-19៕
@Phy sok
