នាយករដ្ឋមន្ត្រីអូស្ត្រាលី បញ្ជាឲ្យមានការស៊ើបអង្កេតលើក្រុមអ្នកសារព័ត៌មានអូស្ត្រាលី ដែលត្រូវប៉ូលិសអាមេរិក វាយធ្វើបាបអំឡុងពេលតវ៉ា នៅរដ្ឋធានី Washington D.C. នាថ្ងៃអង្គារទី០២ខែមិថុនា។
អ្នកកាែត២រូបដែលរងការធ្វើបាប គឺអ្នកសារព័ត៌មានម្នាក់ និងអ្នកថតវីដេអូម្នាក់ ជនជាតិអូស្ត្រាលី មកពីស្ថាប័ន7News ខណៈពួកគេកំពុងLiveផ្ទាល់ នេះបើតាមសារព័ត៌មានស៊ិនហួរ។
តាមរយៈវីដេអូ បានបង្ហាញថា ដំបូងឡើយប៉ូលិស បានវាយទៅលើបុរសជាអ្នកថតវីដេអូ ដោយប្រើរបាំងការពារកុប្បកម្ម និងកណ្តាប់ដៃ បន្ទាប់មកក៏បានវាយទៅលើស្ត្រីជាអ្នកសារព័ត៌មាន ជាមួយនឹងដំបងប៉ូលិស។
លោក Scott Morrison នាយករដ្ឋមន្ត្រីអូស្ត្រាលី បានទាក់ទងទៅ ស្ថានទូតអូស្ត្រាលី នៅរដ្ឋធានីរបស់សហរដ្ឋអាមេរិក ដោយណែនាំឲ្យធ្វើការស៊ើបអង្កេត ទៅលើឧប្បត្តិហេតុនេះ។
សាក្សីឃើញហេតុការណ៍ផ្ទាល់ អោយដឹងថាអ្នកសារព័ត៌មានទាំងពីររូប នេះ ត្រូវប៉ូលិសវាយធ្វើបាបលើពួកគេ បើទោះបីជាពួកគេបានបង្ហាញថា ខ្លួនជាក្រុមអ្នកសារព័ត៌មានក៏ដោយ៕
@physok
