គណៈប្រតិភូខេត្តបាត់ដំបង ដឹកនាំដោយឯកឧត្តម ងួនរតនៈ អភិបាលនៃ គណៈអភិបាលខេត្តបាត់ដំបង រួមជាមួយក្រុមហ៊ុនសូគីមិច ដែលជាសម្ព័ន្ធមេត្រីភាព បានអញ្ជើញចុះសួរសុខទុក្ខ នគរបាលវរសេនាតូច ការពារព្រំដែនគោក លេខ 817 ស្រុកសំពៅលូន នៅនគរបាលវរសេនាតូច ការពារព្រំដែនគោក លេខ 819 ស្រុកកំរៀង កាលពីថ្ងៃទី ទី 9 ខែកញ្ញានេះ។
ក្នុងប្រសាសន៍សំណេះសំណាល ឯកឧត្តមងួនរតនៈ បានកោតសរសើរ និងវាយតម្លៃខ្ពស់ ចំពោះកម្លាំង វីរៈសេនាតូច ការពារព្រំដែនគោក ទាំងពីរវរ ដោយបញ្ជាក់ថា នេះជាប្រពៃណី របស់រដ្ឋបាលខេត្ត ជាមួយសម្ព័ន្ធមេត្រីភាព ក្រុមហ៊ុនសូគីមិច ដែលតែងធ្វើឡើង ជារៀងរាល់ឆ្នាំ នៅមុនពេលរដូវភ្ជុំបិណ្ឌ និងបុណ្យចូលឆ្នាំថ្មីប្រពៃណីជាតិ ចូលមកដល់ ក្នុងគោលដៅលើកទឹកចិត្ត ដល់កម្លាំងនគរបាល ការពារព្រំដែនគោកទាំងអស់ ដែលខិតខំបំពេញភារកិច្ច ចំពោះមុខ ដែលរាជរដ្ឋាភិបាលប្រគល់ឲ្យ ដោយទទួលបានលទ្ធផល យ៉ាងល្អ ពោលគឺនៅតាមបណ្ដោយព្រំដែន របស់យើង នឹងប្រទេសជិតខាង មិនមានបញ្ហាអ្វីកើតឡើងឡើយ។ ឯកឧត្តមបានបញ្ជាក់ទៀតថា ក្រៅពីភារកិច្ច ការពារព្រំដែនគោក កម្លាំងនគរបាលរបស់យើង ក៏បានរួមចំណែក យ៉ាងសកម្មក្នុងការ អនុវត្តនូវគោលនយោបាយ ភូមិឃុំមានសុវត្ថិភាព ពិសេសបានចូលរួមក្នុងការអភិវឌ្ឍន៍ មូលដ្ឋានភូមិឃុំ ជាមួយអាជ្ញាធរគ្រប់លំដាប់ថ្នាក់ទៀតផង។ ជាងនេះទៀត កម្លាំងការពារព្រំដែន គោករបស់យើង ក៏បានចូលរួមយ៉ាងសកម្ម ជាមួយរាជរដ្ឋាភិបាល ក៏ដូចជាក្រសួងសុខាភិបាល ក្នុងកិច្ចការពារ ការរីករាលដាល ជំងឺកូវិត 19 បានយ៉ាងសកម្ម ពិសេសចូលរួមពិនិត្យ ដោះស្រាយចំពោះប្រជាពលរដ្ឋ ដែលវិលត្រឡប់មកពីប្រទេសថៃវិញ ទៅតាមគោលការណ៍ ណែនាំ របស់ក្រសួងសុខាភិបាលទៀតផង។ ដូចនេះសូមឱ្យកម្លាំងនគរបាល ការពារព្រំដែនគោករបស់យើង បន្តសកម្មភាពនេះទៀត ដើម្បីជាតិនិងប្រជាពលរដ្ឋយើង។
ជាមួយគ្នានេះដែរ ឯកឧត្តមអភិបាលខេត្ត និងក្រុមហ៊ុនសូគីមិច បានពាំនាំនូវ គ្រឿងបរិភោគមួយចំនួន មកចែកជូនដល់ វីរៈសេនាតូច ទាំងពីរ ដោយក្នុងមួយ វរសេនាតូចទទួលបាន សាច់ជ្រូក 100 គីឡូក្រាម នំអន្សម 1 ស្លឹក ព្រមទាំងមីភេសជ្ជៈមួយចំនួន និងថវិកា 4 លានរៀលដែលជារបស់រដ្ឋបាលខេត្ត និង 2លានរៀលទៀតរបស់ក្រុមហ៊ុន សូគីមិច៕
អត្ថបទម៉ូតវ៉ោយហូរ ។