អនុប្រធាន​មន្ទីរ​កសិកម្ម​ខេត្តបាត់ដំបង​៖ មាន​៨​ស្រុក​ដែល​ខូចខាត​ដំណាំ​ស្រូវ​ដោយសារ​គ្រោះរាំងស្ងួត​

​លោក អ៊ិន សុវណ្ណ​ស​មុន្នី អនុប្រធាន​មន្ទីរ​កសិកម្ម រុក្ខាប្រមាញ់ និង​ នេសាទ ខេត្តបាត់ដំបង បាន​មាន​ស្រាស​ន៍​ថា​៖ គឺមាន ​៨​ស្រុក​ក្នុង​ខេត្តបាត់ដំបង ដែល​កំពុងតែ​ជួប​បញ្ហា​ធ្វើ​ឲ្យ​ខូចខាត​ដំណាំ​ស្រូវ ដោយសារ​គ្រោះរាំងស្ងួត ហើយ​ស្រុក​ដែល​ជួប​បញ្ហា​ច្រើនជាងគេ​គឺ ស្រុក​មោងឫស្សី ស្រុក​សង្កែ ស្រុក​ប​វេ​ល ស្រុក​គាស់ក្រឡ ស្រុក​រុក្ខ​គី​រី និង​ស្រុក​បាណន់​។

លោក​អនុប្រធាន​មន្ទីរ បាន​បន្ថែមទៀតថា​៖ ផ្ទៃដី​ដែល​ប៉ះពាល់​សរុប​មាន ៦៩,៦៤៣​ហិច​តា ការខូចខាត​ទាំងស្រុង​៣០០​ហិច​តា​បច្ចុប្បន្ននេះ​។ ដោយឡែក​ការ​សង្គ្រោះបាន ដោយសារ​ទឹកភ្លៀង​ផង បូម​ផង​បាន ២០,៩៨៤​ហិច​តា និង​ស្តារ​បាន​១៨៥​ហិតា​។ នេះ​ជាការ​លើកឡើង​ក្នុង​កម្មវិធី​សន្ទនា​មតិ ថ្ងៃទី​០៨ ខែសីហា ឆ្នាំ​២០១៨​នេះ​។​

​អត្ថបទ​៖ ហ៊ាន វាសនា