អ្នកនាំពាក្យក្រសួងសុខាភិបាល លោកស្រី ឱ វណ្ណឌីន បានប្រកាសថា កម្ពុជាបានរកឃើញនូវករណីឆ្លងជំងឺ Covid-19 ចំនួន២ករណីថែមទៀត នៅលើខ្លួនជនជាតិម៉ាឡេស៊ី ដែលធ្វើឲ្យករណីឆ្លងសរុបនៅក្នុងប្រទេសកម្ពុជាបានកើនដល់៣៥នាក់ គិតត្រឹមព្រឹកថ្ងៃទី១៨ ខែមីនា ឆ្នាំ២០២០នេះ។
អ្នកដែលរកឃើញឆ្លងជំងឺកូវីដទាំងនោះ រួមមាន នៅរាជធានីភ្នំពេញ, ខេត្តព្រះវិហារ, បន្ទាយមានជ័យ, បាត់ដំបង, កំពត, ត្បូងឃ្មុំ, កំពង់ឆ្នាំង, កោះកុង និងខេត្តកែបជាដើម។
អ្នកស្រី ឱ វណ្ណឌីន អំពាវនាវគ្រប់សា្ថប័ន និងប្រជាពលរដ្ឋទាំងអស់ ត្រូវរួមគ្នាការពារ ព្រោះវិធានការការពារ ជារឿងចាំបាច់បំផុត ដែលត្រូវរួមគ្នាអនុវត្ត និង ត្រូវកាត់បន្ថយការយកដៃមកប៉ះពាល់មុខ ព្រោះប្រសិនបើដៃមានមេរោគងាយនឹងចម្លងជំងឺផ្សេងៗ ពិសេសកូវីដ១៩តែម្ដង។
ការប្រកាសរបស់អ្នកនាំពាក្យក្រសួងសុខាភិបាលកម្ពុជា បានធ្វើឡើងនៅក្នុងសន្និសីទកាសែតមួយ ដែលរៀបចំដោយអង្គភាពអ្នកនាំពាក្យរាជរដ្ឋាភិបាល នៅទីស្ដីការគណៈរដ្ឋមន្ត្រី នៅព្រឹកនេះ។
ភី សុខ