រដ្ឋមន្ត្រីក្រសួងសុខាភិបាលឯកឧត្តមម៉មប៊ុនហេង អំពាវនាវកុំអោយពលរដ្ឋជឿលេីការព្យាបាលបោកប្រាស់របស់លោកជាសុខហេងនេះ នឹងស្នេីរអោយសមត្ថកិច្ចមានវិធានការផ្លូវច្បាប់បេីបុគ្គលរូបនេះនៅបន្តព្យាបាលបោកប្រាស់បន្តទៀត។
ឯកឧត្តមសាស្ត្រចារ្យ ម៉ម ប៊ុនហេង បានអំពាវនាវយ៉ាងដូច្នេះថា៖ «នេះជាការបោកប្រាស់ សូមបងប្អូនប្រជាពលរដ្ឋ កុំជឿតាមការឃោសនារបស់គាត់ដែលមិនមែនជាគ្រូពេទ្យដែលមានការបណ្តុះបណ្តាលត្រឹមត្រូវនោះឡេីយ។ សូមបុគ្គលរូបនេះ បញ្ឈប់ការផ្សាយ និងទង្វេីបែបនេះជាបន្ទាន់ ហេីយក្រសួងសុខាភិបាល នឹងចាត់វិធានការតាមផ្លូវច្បាប់ បេីនៅតែបន្តធ្វេីការបោកប្រាស់គ្មានវិជ្ជាជីវ:វេជ្ជសាស្ត្រត្រឹមត្រូវនេះទៀត។
ក្រសួងក៏សូមអំពាវនាវតាមរយ:ផេកផ្លូវការរបស់ក្រសួងសុខាភិបាលផងដែរឲ្យអាជ្ញាធរមានសមត្ថកិច្ច ជួយចាត់ការតាមផ្លូវច្បាប់ជាធរមានផងដែរ»។
ការអំពាវនាវបែបនេះ របស់លោកសាស្ត្រ ម៉ម ប៊ុនហេង បានធ្វើឡើងក្រោយ លោក ជា សុខហេង បានបង្ហោះវីដេអូនៅលើ Page Facebook ឈ្មោះ «Chea Sokheng ជា សុខហេង» អំពីការព្យាបាលជំងឺដល់ប្រជាពលរដ្ឋ តាមរយៈការលាបប្រេង និងកេះសសៃ ដល់អ្នកជំងឺដោយដៃទទេ គ្មានការស្កែន ឬពិនិត្យអ្នកជំងឺដោយម៉ាស៊ីនស្វ័យប្រវត្តិណាសមួយ៕ដោយភីសុខ