ភ្នំ៥៣ជាតំបន់ទេសចរណ៍ធម្មជាតិទឹកធ្លាក់មួយកន្លែងទើបរៀបចំនាដើមឆ្នាំ២០២០ កំពង់បង្ហាញសម្រស់ធម្មជាតិបង្អួតភ្ញៀវទេសចរណ៍អោយមកកំសាន្តម្តងហើយម្តងទៀត ។
តំបន់ទេសចរណ៍មួយនេះ យើងអាចធ្វើដំណើរពីក្រុងបាត់ដំបងចេញតាមផ្លូវបវេលត្រង់ផ្លូវបំបែកថ្មគោលដែលមានចម្ងាយប្រហែល ១៣២គ.ម ឬក៏យើងអាចធ្វើដំណើរកាត់តាមខេត្តប៉ៃលិន ដែលមានចម្ងាយប្រមាណ ១៥៥គ.ម តាមផ្លូវក្រវ៉ាត់ព្រំដែនត្រង់ចំណុចភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង យើងនឹងឃើញមានស្លាកសញ្ញាទឹកធ្លាក់៥៣ នៅខាងឆ្វេងដៃ ចូលទៅដល់ទីតាំងភ្នំ៥៣ ត្រឹមតែជាង២គីឡូម៉ែត្រទៀតតែប៉ុណ្ណោះ នឹងទៅដល់ទីតាំងភ្នំ៥៣ ។
ប្អូនបញ្ញា ជាកូនម្ចាស់រមនីយដ្ឋានទេសចរណ៍ភ្នំ៥៣បានអោយដឹងថា ទីនេះមានភ្ញៀវទេសចរណ៍មកលេងកើនឡើងជារាងរាល់ថ្ងៃមិនដែលដាច់ ។ចំណុចពិសេសនៅទីនេះដែលកំពង់ទាក់ទាញភ្ញៀវទេសចរណ៍ជាតិអន្តរជាតិមកទស្សនាកំសាន្ត គឺ មានទឹកធ្លាក់ ស្រូបខ្សល់អាកាសបរិសុទ្ធ និង អាចមើលទេសភាពធម្មជាតិ ពីលើកំពូលភ្នំ ផងដែរ ។
ភ្ញៀវទេសចរណ៍មួយក្រុមដែលតែងតែមកលេងកំសាន្តនៅទីនេះបានសម្តែងការចាប់អារម្មណ៍របស់ខ្លួនថា ទីនេះពិតជាជក់ចិត្ត មិនចាញ់ទៅលេងនៅប្រទេសជិតខាងនោះទេ ។
ក្រៅពីទឹកធ្លាក់, ទេសភាពធម្មជាតិ, ខ្សល់អាកាសបរិសុទ្ធ, រមនីយដ្ឋានភ្នំ៥៣ មានរូងមួយ ជាកន្លែង
ទីសក្ការៈបូជាដែលបន្សល់ទុកជាយូរយារណាស់មកហើយ ។ម្ចាស់រមនីយដ្ឋានខាងលើបញ្ជាក់ថារូងនេះធ្លាប់ជាកន្លែងដែលដូនជីរឺអ្នកកាន់សីល នានាមកពីទីជិតឆ្ងាយ មកតាំងសមាធិរឺសូត្រធម៌ ។ ដោយអ្នកស្រុកទីនេះដំណាល់ថាពួកគាត់បានតោងថ្មចុះជំរៅប្រមាណ១៥ម៉ែត្រ ដល់ល្អាងមួយដែលមានទីធ្លាប្រមាណ២០ម៉ែត្រដែលមានសីតណ្ហភាពត្រជាក់ ។
ម្ចាស់រមនីយដ្ឋានបញ្ជក់ថា ក្នុងល្អាងនេះ ធ្លាប់មានរូងជម្រៅរាប់រយម៉ែត្របន្តទៀតដែលដូនជីរឺអ្នកកាន់សីលសម័យមុនធ្លាប់ចូលទៅ ល្អាងផ្សេងទៀត ដែលមានពន្លឺនិងខ្សល់ត្រជាក់ ហើយជញ្ជាំងថ្មផ្លេកៗ តែបច្ចុបន្នមិនអាចចូលទៅបានទេ ដោយសារមិនទាន់មានការស្រាវជ្រាវនិងបានចូលទៅដល់នៅឡើយ ។
បច្ចុប្បន្ននេះរូងនេះកំពុងធ្វើការរៀបចំអោយមានជណ្តើរចុះជម្រៅ១៥ម៉ែត្រសិន សម្រាប់ភ្ញៀវទេសចរណ៍មកកំសាន្តនិងអុជធូបទានគោរពបូជាក្នុងល្អាង ដ៏ត្រជាក់មួយនេះ ។
រមនីយដ្ឋានទឹកធ្លាក់ភ្នំ៥៣ ត្រូវបានក្រសួងទេសចរណ៍ចេញអាជ្ញាប័ណ្ឌទេសចរណ៍អោយប្រកបអាជីវកម្មជាផ្លូវការ ដោយដាក់ឈ្មោះទឹក្លាក់៥៣ភ្នំព្រឹក ដែលជាប្រភេទរមនីយដ្ឋានទេសចរណ៍ ថ្នាក់កែច្នៃ(ថ្មី) ដែលមានអ្នកស្រី វ៉ាន់ សុគន្ធា ជាអ្នកឈរឈ្មោះជាម្ចាស់អាជីវកម្ម ហើយអាជ្ញាប័ណ្ណនេះត្រូវបាន មន្ទីរទេសចរណ៍ខេត្តរៀបចំប្រគល់ជូនជាផ្លូវការនៅថ្ងៃទី ១២ ខែ សីហា ឆ្នាំ ២០២០ ។
អ្នកស្រី វ៉ាន់ សុគន្ធា បានមានប្រសាសន៍អោយដឹងថា អ្នកស្រីកំពុងតែរៀបចំតំបន់ទេសចរណ៍ទឹកធ្លាក់ភ្នំ៥៣នេះ អោយកាន់តែទាក់ទាញបន្ថែមទៀត ក្នុងនោះមានរៀបចំអោយមានទឹកធ្លាក់បន្ថែម និង កន្លែងបោះតង់ជាដើម ។
សម្លេង អ្នកស្រី
ក្រៅពីរមនីដ្ឋានដ្ឋានទឹកធ្លាក់ភ្នំ៥៣នេះ អ្នកស្រីសុគន្ធាក៏ជាម្ចាស់រមនីយដ្ឋានទេសចរណ៍ នគរជុំភ្នំព្រឹកផងដែរ ដែលរមនីយដ្ឋាននេះកំពុងមានការទាក់ទាញភ្ញៀវទេសចរណ៍ខ្លាំងផងដែរ ដែលទីនេះអាចថតរូបអនុស្សាវរីយ័ពីលើចង្កេះភ្នំ គយគន់ទេសភាពធម្មជាតិ និង ទទួលទានអាហារដែលមានរស់ជាតិឈ្ងុយឆ្ងាញ់ជាដើម ទីតាំងរមនីដ្ឋានដ្ឋាននេះមានចម្ងាយពីគ្នាតែជាង២គីឡូម៉ែត្រប៉ុណ្ណោះ៕
