កាលពីព្រឹក ថ្ងៃ ពុធ ខែមិគសិរ ឆ្នាំ កុរ ឯកស័ក ព.ស២៥៦៣ ត្រូវនឹង ថ្ងៃទី២៧ ខែ វិឆ្ឆិកា ឆ្នាំ ២០១៩៖ បានប្រារព្ធវេទិកាសាធារណៈ ធ្វើឡើង ក្នុងបរិវេណសាលាបឋមសិក្សា បេង ទ្រេត ភូមិ វាលវង់ ឃុំតាស្ដា ស្រុកសំពៅលូន ។ ក្នុងនោះ ដោយមានការអញ្ជើញចូលរួម ពីគណៈធិបតី មាន ឯឧត្តម សាន ហាក់ តំណាងប្រធានក្រុមប្រឹក្សាខេត្ត ឯកឧត្តម អៀង ផាន ឯកឧត្តម ងី សែត និង លោកជំទាវ ព្រំ វណ្ណា ជាសមាជិកក្រុមប្រឹក្សាខេត្ត ឯឧត្តម ស៊ូ អារ៉ាហ្វាត់ អភិបាលរង នៃគណៈអភិបាលខេត្ត ព្រមទាំងមន្ដ្រីពាក់ព័ន្ធនានា បងប្អូនប្រជាពលរដ្ឋ សរុបប្រមាណ ៥៧៥ នាក់ ។
បងប្អូនប្រជាពលរដ្ឋ បានឡើកឡើងពីបញ្ហាមួយចំនួន ដូចជា៖ កង្វះអណ្ដូងទឹកប្រើប្រាស់ .បញ្ហាផ្លូវលំបាកធ្វើដំណើរ .ខ្វះសាលារៀន កង្វះបង្គន់ អនាម័យ ,បញ្ហាអគ្គិសនីនៅតែមានតម្លៃថ្លៃ និង បញ្ហាគ្រឿងញៀនជាដើម។
នៅក្នុងវេទិកាផ្សព្វផ្សាយ និង ពិគ្រោះយោបល់នេះ ក្រុមប្រឹក្សាខេត្តទទួលបានសំណួរ និង មតិយោបល់ពលរដ្ឋចំនួន ៦១ បញ្ហា ។ ចំពោះបញ្ហាទាំងអស់នេះក៏មានការឆ្លើយបំភ្លឺតប ពីគណៈធិបតី វាគ្មិនក៏ដូចជា មន្ដ្រីជំនាញ ដោយភាពរីករាយ ។
ឯកឧត្តម សាន ហាក់ តំណាងប្រធានក្រុមប្រឹក្សាខេត្តបានប្រសាសន៏ថា៖ យើងនៅមានបញ្ហាសំណួរ និង សំណួមពរមួយចំនួនទៀត ដែលនៅសេសសល់ ដែលមិនទាន់អាចដោះស្រាយបាន ដូចជាបញ្ហា អគារសិក្សា តម្លៃអគ្គីសនី បញ្ហាសាលាមត្តេយ្យសិក្សា ។
ហើយក្រុមការងារក៏ដូចជាក្រុមប្រឹក្សាខេត្តនិងរាយការណ៏ទៅគណៈអភិបាលខេត្ត និង ចាត់ចែងបន្ដឲ្យមន្ដ្រីអង្គភាពផ្សេងៗ ហើយនិងផ្ងើបញ្ហាដែលបានដោះស្រាយនោះ តាមរយៈក្រុមប្រឹក្សាស្រុកវិញ ។
អត្ថបទ៖ ឈឿន ថៃ កឿ
